Кыргызстандын көпчүлүк аймактарында быйылкы кургакчылыктан улам тоют жакшы болбой калып, айрым фермелер мал-жандыктарынын санын азайтып, базарга алып чыгууга аргасыз болууда. Бир таңгак чөп 450-500 сомго чейин чыкты. Ашуу ашып, бир чөлкөмдөн экинчисине чөп сатып алып кеткендер болууда. Мындай тартыштык фермерлерди тоюттун башка түрлөрүн караштырууга аргасыз кылып жатат. "Данисте" берүүсүнүн бул чыгарылышы гидропоника, силос, сенаж сыяктуу мал-жандыкка жем-чөп даярдоонун жаңы ыкмалары тууралуу болмокчу.