Газа: Согуш уланууда, жөөт аскерлери түштүккө жылды

Ок атышпоо режими аяктагандан кийин үч күндүк бомбалоону улай Израил армиясынын (ЦАХАЛ) жөө аскерлери Газа тилкесинин түштүгүнө жылды. Дүйшөмбү күнү эртең менен Хан-Юнис шаарында аба соккусунан эки киши каза тапканын "Рейтерс" агенттиги кабарлады. Анын алдында Израил бийлиги ал жердеги жашоочуларга шашылышы эвакуацияланууну эскерткен. Палестинанын маалымат каражаттары өткөн ишемби, жекшемби күндөрү качкындар лагерлери, ооруканалар бомбаланганын жазышты.