Сейсмология институтунун маалымдашынча, 11-апрелде саат 23:08де Кыргызстанда жер титиреди.
Силкинүүнүн күчү очогунда -Каракол шаарынан 35 чакырым аралыктагы Тескей Ала-Тоо тоо кыркаларында 4,5 баллга жетти. Ал эми Жети-Өгүз районунун Жети-Өгүз айылында 3,5 балл, Чоң-Кызыл-Суу айылында 3, Каракол шаарында жана Ак-Суу районунун аймагында 3 баллды түздү.
Бул тууралуу кабарлаган Өзгөчө кырдаалдар министрлиги силкинүүнүн очогу кайсы жер экенин маалымдаган жок.
Баштапкы маалыматтарга ылайык, жер титирөөдөн кыйроолор жана жапа чеккендер жок.
23-мартта Баткен облусунун Сүлүктү, Раззаков шаарларында күчү 5 балл, Баткен шаарында 4 баллга жеткен жер титирөө катталган.
21-мартта очогу Ооганстанда болгон жер титирөөнүн күчү Кыргызстанда да сезилген.(ZKo)
