11-апрелге караган түнү Камчаткада Шивелуч деген жанар тоо атылды.
Маалыматтарга караганда, күл айланадагы айылдарды басып калды. Орусиянын Вулканология жана сейсмология институтунун директору Алексей Озеровдун айтымында, лава өзгөчө күч менен атылды.
Байкоо иштерине циклон, кар жана бороон тоскоолдук кылууда. Күл 15-20 метр бийиктикке чейин жеткени кабарланды. Жанар тоого авиациялык өтө кооптуу деген "кызыл" код берилди.
Шивелуч – Камчатканын эң түндүгүндө, Петропавловск-Камчатск шаарынан 440 километр алыс жерде орун алган. Анын бийктиги 3283 метрге жетет. Вулкан 60-70 миң жыл илгери пайда болгон.
18-кылымдын этегинен бери Шивелуч 10 чакты жолу атылган.
