Саламаттык сактоо министрлиги Оштун Кара-Суу районундагы №101 Кумар Момбекова атындагы орто мектебинин ооруканага түшкөн окуучуларынын абалы канааттандырарлык экенин билдирди. Мекеме тараткан маалыматка караганда, "атырга" ууланып, ооруканага түшкөн 18 баланын 13ү дарыгерлердин текшерүүсүнөн кийин үйүнө чыгарылды. Ош облустар аралык балдар клиникасынын директору Равшан Маматов жандандыруу бөлүмүндө жаткан беш окуучу мындан ары дагы текшерүү үчүн травматология бөлүмүнө которулганын "Азаттык" радиосуна кабарлады.