"Ала-Арча" мамлекеттик резиденциясында соода-экономикалык, илимий-техникалык жана гуманитардык кызматташуу боюнча кыргыз-орус өкмөттөр аралык комиссиясынын кезектеги жыйыны өтүп жатат. Жыйында тараптар өз ара кызыкчылык туудурган ар башка чөйрөлөрдө кызматташууну кеңейтүүнү талкуулашат.
Жолугушуунун жыйынтыгында бир катар документтерге кол коюлары пландалууда.
Жыйынга катышуу үчүн 28-мартта Кыргызстанга иш сапары менен Орусия өкмөтүнүн төрагасынын орун басары Алексей Оверчук келген.
Комиссиянын теңтөрагалары болуп Министрлер кабинетинин төрагасы Акылбек Жапаров жана Орусия тараптан Алексей Оверчук эсептелет.
Комиссиянын буга чейинки жыйыны 2022-жылдын 14-апрелинде Москвада өткөн.(КЕ)
