Киев Орусиянын президенти Владимир Путиндин окуппацияланган Мариуполго барганын кескин сындады. Украинада уруш уланып жаткан маалда Кытайдын лидери Си Цзиньпин Москвага сапар алды. Улуттук коомпсуздук комитети Кытайдан мыйзамсыз товар ташыган туруктуу схеманы түзгөн деген шек менен кыргыз бажысынын алты жооптуу кызматкерин кармады. Алардын бири баш прокурор Курманкул Зулушевдин тууганы экени маалым болду. Жаңы мыйзамга ылайык, пара сунуштап, коррупцияга себепкер болгон айдоочулар да жазага тартылат.