Ооганстандын Тажикстан менен чектеш Бадахшан провинциясынын Ишкашим районунда Кыргызстанга кетүүнү көздөгөн токсондой памирлик кыргыз паспорт ала албай, суукта арасат абалда турат. Кышкы аяз ооган элин, анын ичинде 2 миңге чукул кыргыз байырлаган Памир өрөөнүн бейпайга салып, ондогон адам өмүрү кыйылды. Талибдер бийликке келгени гуманитардык кризиске баткан өлкөдө тамак-аш тартыш, жарык, жылуулук, жумуш жок. Памирлик кыргыздар кандай жардамга муктаж? Кыргыз бийлиги алардын түйшүгүн кантип жеңилдете алат? Ооган элинин азыркы абалын жеңилдетүү үчун эл аралык аралык коомчулук кандай колдоо көрсөтүүсү керек?