Кыргызстандын Өзбекстан жана Тажикстан менен чек ара маселелери кайрадан күн тартипке чыкты. Кыргыз бийлиги кыргыз-өзбек чек арасын тактоо иштери аяктап калганын жарыяласа, кыргыз-тажик чек арасындагы соңку жаңжалдан соң сүйлөшүүлөрдүн келечеги белгисиз болуп турат. Чек араны тактоо, андагы талкууга түшкөн жагдайлар боюнча Улуттук Илимдер академиясынын География институтунун бөлүмүнүн башчысы, профессор Саламат Аламанов «Азатыкка» маек курду. Аны Бакыт Асанов кепке тартты.