Кыргызстан жыл башынан бери, жети айда мамлекеттик карызды төлөөгө республикалык бюджеттен 20 миллиард 575,4 миллион сом жумшады. Анын 13 миллиард 169,3 миллион сому тышкы карызды төлөөгө бөлүнгөн. 7 миллиард 401,1 миллион сому ички карызга сарпталган. Бул тууралуу Финансы министрлигинин басма сөз кызматы билдирди.
Расмий маалыматка караганда, 31-июлга карата берилген маалымат боюнча Кыргызстандын ички жана тышкы карызынын суммасы 5 миллиард 213 миллион доллардан ашкан. Анын 4,2 миллиард доллары тышкы карыз.
Буга чейин доллардын курсу олку-солку болуп жаткандыктан быйыл Кыргызстанда тышкы карызды төлөөгө кошумча 6 миллиард сом каралып жатканын 24-мартта өкмөт үйүндө өткөн брифингде каржы министри Алмаз Бакетаев билдирген. (КЕ)
Дагы караңыз
