Өзбекстандын президенти Шавкат Мирзиёев: Талдоолор оң жылыштар бар экенин көрсөткөнү менен биздин мамлекеттердин соода-экономикалык алака-катышы дагы деле толук ачылбай турат. Ушундан улам биз өз ара соода-сатыкка түрткү берүүнүн жаңы жол-жобосун, ыкмасын жигердүү киргизүүнү сунуштайбыз. Сөз чек арадагы соода-сатык, товарларды алып өтүүнүн жөнөкөйлөштүрүү жол-жобосу тууралуу болуп жатат.
Түркмөнстандын президенти Сердар Бердымухамедов аймактагы туруктуулук, ишеним тууралуу сөз кылды. Анда беш мамлекеттин Тышкы иштер министрликтери аркылуу кызматташууну күчөтүү керектигин белгиледи.
Садыр Жапаров: Биргелешкен орток телеканал ачып, ал жерде элибиздин экономикасы, жашоо-турмушу, маданият, киносу тууралуу маалымат берип турсак туура деп ойлойм.
Садыр Жапаров: Ысык-Көлдүн жээгинде өтүп жаткан жыйында туризм тууралуу айтпай кое албайм. Жалпы туристтик көргөзмөлөрдү жана ар бир мамлекет боюнча туристтик маалыматтарды жайылтып турууну сунуштайм.