Коомчулук, кыргыз медицинасы жана бийлик "каралуу июлдан" кандай сабак алды? Бул учурда каза болгон адамдардын жакындары өз суроолоруна жооп таптыбы? Убадаланган ооруканалар салынып, медицина тармагындагы кемчиликтер оңдолдубу? Азыр абал кандай, калкты эмдөө, вирустан коргонууга карата азыр кандай талаптар бар? Алдыда "Арай көз чарай" талкуусунда бул суроолорго жооп издейбиз. Бул талкууга Жогорку Кеңештин депутаты, 2021-жылы "каралуу июль" боюнча түзүлгөн тармактык комиссияны жетектеп турган Элвира Сурабалдиева, Саламаттык сактоо министринин милдетин аткаруучу Жаркынбек Касымбеков, "Биз чындык үчүн" кыймылынын негиздөөчүсү Ырыскан Зулпукарова, "каралуу июлда" апасынан ажыраган Айнура Туйбаева катышат.