Бишкектеги Биринчи Май райондук акимчилиги милиция менен чогуу көчө боюндагы башаламан соода кылгандарга каршы рейд жүргүзүп жатат.
Эркиндик гүлбагындагы жана "Ала-Тоо" аянтындагы түрдүү оюн-зоок автоматтары, суусундук, балмуздак жана башка тамак-аштарды мыйзамсыз саткан соода түйүндөрү, Сүрөтчүлөр галереясындагы караоке алынды.
Мэриянын басма сөз кызматы билдиргендей, рейд күн сайын саат 18:00-01:00 аралыгында жүрөт.
Ошондой эле түрдүү мекеме-ишканаларды айланта курчаган темир торлор да алынып жатат. "Тазалык" ишканасы жергиликтүү бийлик менен чогуу буга чейин бир катар жогорку окуу жайлардын, мамлекеттик жана башка ишканалардын тосмолорун алганы кабарланган.(ZKo)
Дагы караңыз
