Ысык-Көлдө асыл тукум мал баккандар көбөйдү
Ысык-Көлдө жергиликтүү фермерлер сандан сапатка өтүп жатат. Алар “Арашан” тукумундагы койдун башын көбөйтүп, 180-200 кг. салмакка жеткен кочкорлорду багууда. Быйыл чабандар чогулуп, сынак уюштуруп, 500дөй кочкорду алып келишкен. Сынактын жеңүүчүлөрү эми Казакстанда март айынын этегинде өтө турган эл аралык көргөзмөгө жолдомо алат. Фермерлерди 10 миң долларлык баш байге кызыктырып жатат.