Эмгек, социалдык камсыздоо жана миграция министрлиги менен БУУнун Дүйнөлүк азык-түлүк программасы Кадамжай жана Жумгал райондорунда 100 аз камыз үй-бүлөгө жакырчылыктан чыгууга жардам берүү максатында социалдык контракт боюнча пилоттук долбоор баштады.
Аз камcыз болгон үй-бүлөлөргө социалдык контракттын негизинде бир жолку 100 миң сом өлчөмүндө акчалай жардам көрсөтүлөт.
Комплекстүү колдоонун ичинде: каржылык сабаттуулук боюнча окутуу, бизнес-план түзүүдө жардам берүү, кесиптик окутуулар, социалдык кызматтар жана бизнести ийгиликтүү алып кетүүгө багытталган насаатчылык камтылган.
БУУнун Дүйнөлүк азык-түлүк программасы 2020-жылдын Нобел тынчтык сыйлыгынын ээси.
БУУнун Дүйнөлүк азык-түлүк программасы менен Кыргызстандын Улуттук статистика комитети өлкөдөгү пандемияга чейинки жана андан кийинки калктын экономикалык, социалдык абалын талдап чыккан. Анда коронавирус пандемиясына байланыштуу көп үй-бүлөлөр жумушсуз калып, киреше булагын жоготкону белгиленген.
