Саламаттыкты сактоо министрлигинин 30-январдагы маалыматына караганда, Кыргызстанда вирустан бир суткада төрт киши каза болду.
Пандемия башталган 2020-жылдын март айынан бери каза болгондордун расмий эсеби 2876 адамга жетти. Оору жаңы аныкталгандардын саны 276 кишини түздү.
Учурда 6 716 киши коронавирус менен ооруп жатат. Алардын 5 242си үйүндө дарыланса, 1 474ү ооруканада. 95 адам өтө оор абалда реанимация бөлүмдөрүндө. 681 кишинин абалы оор деп бааланган.
Бейтаптардын он биринин гана абалы туруктуу. (BCh)
