Жалал-Абад облусунун Чаткал районунда Красная Горка-Ак-Таш автожолунун төртүнчү чакырымында көлөмү болжол менен 50 м3 кар көчкү түшүп, жол бир тараптуу жабылган.
Өзгөчө кырдаалдар министрлиги (ӨКМ) тазалоо иштерине бир бульдозер тартылып, саат 18:09да жол толук тазаланганын билдирди. Жабыркагандар жок.
Министрлик 19-январга чейин күтүлүп жаткан жаан-чачынга байланыштуу Кыргызстандын тоолуу райондорунда, Ала-Бука-Каныш-Кыя автожолунун 92-99-чакырымдарында (Чапчыма ашуусу), Красная Горка-Ак-Таш жолунун 1-4- чакырымдарында кар көчкү түшүүcү мүмкүн экенин эскертти.
Жолдор тайгак болуп муз тоңот. Машинелердин ортосундагы 500 метр аралык сакталышы керек. (BTo)
