Коронавируска каршы республикалык ыкчам штабдан билдиргендей, 24-декабрга карата коронавирус дагы 39 адамдан аныкталып, эки бейтап каза болду. Каза болгон жаран вакцина алган эмес.
Ушуну менен 2020-жылдын март айынан бери вирустан 2 790 киши көз жумду.
- Бишкек шаары – 23
- Ош шаары-1
- Жалал-Абад облусу - 3
- Чүй облусу - 3
- Ош облусу - 4
- Ысык-Көл облусу - 5.
Азыркы учурда өлкө боюнча 642 бейтап коронавирустан дарыланып жатат. Алардын 287си ооруканада болсо, 337 киши медициналык жардамды үйүнөн алууда. Вирус аныкталгандардын 99 пайызы вакцина албагандар.
Өлкөдө COVID-19га каршы алты түрдүү вакцина акысыз сайылууда. 23-декабрга карата 1 млн. 200 миңдей адам эмдөөдөн өттү. Алардын 1 миллиону эки дозаны бирдей сайдырышты.
Вирустун жаңы түрүнө байланыштуу 1-декабрдан тарта Кыргызстанга чек арадан кирген ар бир адамдан коронавирус жоктугун тастыктаган милдеттүү ПЧР-тест талап кылынат. Чет элдиктер да, кыргызстандыктар да вакцина алганына карабай, тесттен өтүүгө тийиш. "Омикрон"-штаммы катталган өлкөлөрдүн жарандары Кыргызстанга киргизилбейт. Өлкө аймагында вирустун жаңы түрү катталган эмес.
