“Кыргызнефтегаз” ишканасынын төрагасы болуп Нургазы Нишанов дайындалды. Бул тууралуу Мамлекеттик мүлктү башкаруу фондунан билдиришти.
Нургазы Нишанов Жогорку Кеңештин мурдагы депутаты. Ал 2017-жылы мандатын тапшырып, "Кыргызжылуулукэнерго" мамлекеттик ишканасына жетекчи болуп дайындалган.
2020-жылдагы парламенттик шайлоого "Биримдик" партиясынын тизмеси менен катышкан.
"Кыргызнефтегаз" ишканасынын 85% акциясы Мамлекетттик мүлк фондуна, калганы элге тиешелүү. Ишкана быйыл президент менчикке өткөрүш керек деген мамлекеттик мүлктөрдүн тизмесине кирген. (МТа/TB)
