26-27-ноябрда түнкүсүн туруксуз аба ырайы күтүлөт. 26-ноябрда көпчүлүк аймактарда, 27-ноябрда түнкүсүн Ош, Ысык-Көл, Нарын облустарынын көпчүлүк аймактарында мезгил-мезгили менен кар жаайт. Кээ бир райондордо жаан-чачын катуу жаашы мүмкүн. Жолдор тайгак болуп, күрткү түшөт. Айрым жерлерде батыштан соккон шамалдын ылдамдыгы секундасына 17-22 метрге жетиши ыктымал. Абанын температурасы кескин төмөндөйт.
27-ноябрда түнкүсүн Ош, Ысык-Көл, Нарын облустарынын көпчүлүк аймактарында, Чүй, Жалал-Абад Баткен жана Ысык-Көл облустарынын кээ бир райондорунда мезгил-мезгили менен кар жаайт. Талас облусунда жаан-чачын болбойт.
Абанын температурасы:
Чүй өрөөнүндө түнкүсүн -4...-9, күндүз 0…5;
Талас жергесинде түнкүсүн -7...-12, күндүз 0…5;
Баткен, Ош, Жалал-Абад дубандарында түнкүсүн 0...-5, күндүз 5…10;
Ысык-Көл облусунда түнкүсүн -6…-11, күндүз 0…-5;
Нарын облусунда түнкүсүн -9…-14, күндүз -2…-7;
Бийик тоолордо түнкүсүн -20…-25, күндүз -10…-15;
Бишкекте түнкүсүн кар жаашы мүмкүн. Күндүз жаан-чачын болбойт. Абанын температурасы түнкүсүн -5…-7, күндүз 3…5 градус болот.
