Орусиянын курамындагы Татарстан Республикасынын президенти Рустам Минниханов 18-ноябрда иш сапары менен Кыргызстанга келди.
Ал мамлекет башчысы Садыр Жапаров менен жолугуп, эки тараптуу кызматташтыкты талкуулай турганын президенттик админстрациянын басма сөз кызматы кабарлады.
Мындан тышкары, Минниханов кыргыз-татар ишкердик форумуна да катышат. Ушундай форум 2015-жылы өткөн.
«Манас» эл аралык аэропортунан Рустам Миннихановду мамлекеттик катчы Сүйүнбек Касмамбетов тосуп алды.
Кыргызстанда СССР убагында 50 миңден ашуун татар улутундагы адамдар жашаган. Кыргыз-татар достук коомунун 2015-жылдагы эсебине ылайык, өлкөдө 30 миңге жетпеген татар тектүүлөр жашары маалым болгон.
