Араванда картошка менен сарымсак бышты

Оштогу Араван районунда картошка менен сарымсактын түшүмүн жыйноо башталды. Жергиликтүү тургундар адатта картошканы февралда, ал эми сарымсакты күз айларында эле эгет. Жашылчанын түшүмү жыйналып алынгандан кийин анын орду кайра чаналып, бадыраң, жүгөрү, же күрүч отургузулат. Араванда картошка быйыл 1000 гектардан ашык аянтка эгилген, ушул тушта анын 20дай гектары казылып бүттү.