Жалал-Абад шаарында 2010-жылдагы 7-апрель окуясына арналган эскерүү иш-чарасы өттү. Ага облус башчылары, тарыхчылар, студенттер жана апрель окуясынын каармандары катышты. Чогулгандар шаардагы Эркиндик айкелинин алдына гүл чамбар коюп, куран окушту.
2010-жылдын 7-апрелинде Кыргызстанда 87 адамдын өмүрү кыйылган элдик толкундоодон кийин Курманбек Бакиев башында турган бийлик кулатылган. Анын ордуна Роза Отунбаева жетектеген Убактылуу Өкмөт бийликке келген.
Кыргызстанда бул күн "7-апрель Элдик апрель революциясы" деп аталып, календарда кызыл менен белгиленген. (TB)
