Дастан Бекешев: Биз сизди колдоп беребиз. Бирок сүрөтчү бир, сүрөтчү баарына жооп берет.
Асел Кодуранова: Саламаттык сактоо жана Социалдык коргоо министрликтерин кошуп атасыз. Булар эки чоң тармак, эки башка иштеп жатканда да сын-доомат күчтүү болчу. Ушул тармактарды алып кете алабы?
Алымкадыр Бейшеналиев: Мурда деле иштерибиз окшош болчу. Азыр бириктиргенде алып кете алабыз деп ойлойм.
Асел Кодуранова жыйында билим берүү, онлайн окуу тууралуу маселе көтөрдү.
Мугалим окуучу менен бир саат окуса, ата-эне 2-3 саат окуп жатат. Себеби ата-эне биринчи өзү окуп түшүнүп, анан баласына түшүндүрүп, кайра сурап жатып ушунча убакыт кетип жатат. Мугалимдер тапшырманы балдар мектепте окуп жаткандай эле берип жатышат. Бир аз азайтып, жеңилдик берсеңер деген сунушум бар. Тапшырманын жарымын эле берсин да. Биз жетишпей жатабыз. Балдарыбыз сабак окуйбуз дегенде үйдө уруш, тытыш болуп жатат. Cабак окугандан бала эмес, мен качып жатам.
Айнура Алтыбаева: Билим берүү министрлиги мыйзамда мектеп формасы эмнеден турарын жалпы сөз менен жазып коюптур. Азыркы жаңы, светтик Баш мыйзамга ылайык, мектеп формасы эмнеден турушу керек деген суроону так коюшу керек. Мугалимдер хижаб маселеси менен кыйналбай, балдарды окутушу керек.
Улукбек Марипов: "РусГидро" менен сүйлөшүп ГЭСтердин курулушун кайра баштасак болот. Формалдуу баш ийбесе да факт түрүндө иштеши керек.