Улукбек Марипов: Бүгүн комитет, эртең Жогорку Кеңеш колдоп берсе толук иш алып барууга даярмын. Буга чейин 22 өкмөт мүчөсү болсо, биз сунуштап жаткан түзүмдө 16 болуп жатат. Курамына жаңы сегиз киши кирип атат.
Экономика жана Каржы министрлигин бириктирип, ушул эки жакты караган кишини вице-премьер болсун деп жатат.
Саламаттык сактоо министрлиги менен Социалдык өнүктүрүү министрлигин чогуу кылалы деп жатабыз.
Маданият, маалымат, туризм жана спорт министрлиги болсун деп атабыз.
Энергетика министрлигин дагы оптималдаштырууну карайбыз.
Айыл чарба министрлигин күчтөндүрүү максатында, министрликке аймактарды өнүктүү багытын да кошуп атабыз.
Жаңы өкмөттүн курамы талкууда
Улукбек Марипов 1979-жылы 30-августта Ош облусунун Ноокат районунда төрөлгөн.
2001-жылы ОшТУ жана ОшМУ окуу жайларын Финансы жана насыя, юриспруденция адистиктери боюнча бүтүргөн.
2001- 2002-жылдарда Финансы министрлигинде биринчи категориядагы адис катары мамлекеттик органдарда ишин баштаган.
2002-2003-жылдарда Финансы министрлигинин алдындагы кирешелер боюнча комитетинде төраганын жардамчысы, 2003-2005-жылдары Баткен облусунун губернаторунун жардамчысы, 2005-2006-жылдар Жогорку Кеңештин депутатынын кеңешчиси болгон.
2006-2010-жылга чейин президенттик аппараттын бөлүмдөрүндө эксперт, 2010-жылы Өзгөчө кырдаалдар министрлигинин башкармалыгынын башчысы, 2010-2011 өкмөт аппаратынын инспектору, 2011-2015-жылдарда президенттин жардамчысы, 2015-2016-жылы президенттик аппараттын жетекчисинин орун басары болуп эмгектенген.
2016-жылы 18-мартта Эсеп палатасына аудитор болуп ишке орношуп, бир күндөн кийин эле төрагасы болуп дайындалып, ошондон бери бул кызматта иштеп келаткан.
Ал Жогорку Кеңештин мурдагы депутаты, Ноокат райондук ооруканасынын азыркы башкы дарыгери Асамидин Мариповдун баласы.