Болот Шамшиевдин көркөм мурасы

Белгилүү кинорежиссер Болот Шамшиевдин көзү тирүү болгондо 12-январда 80 жашка чыкмак. СССРдин жана Кыргыз Республикасынын Эл артисти, II даражадагы «Манас» орденинин ээси жана башка бир топ абройлуу сыйлыктардын ээси 2019-жылдын 21-декабрында дүйнөдөн кайткан. Аны утурлай Бишкекте Чыңгыз Айтматов атындагы кино үйүндө “Эсимде. Шамшиевге 80 жыл” деген аталыштагы иш-чара өттү.