Сейсмология институтунун маалыматына ылайык, 26-декабрь күнү саат 16:28де Кыргызстан менен Өзбекстандын чектеш аймагында күчү 5 баллга жеткен жер титирөө катталды. Силкинүүнүн күчү Баткен облусунун Кадамжай шаарында, Пүлгөн, Таш-Кыя айылдарында 5 балл, Көтөрмө, Гайрат айылдарында 4 балл, Кызыл-Кыя шаарында 3,5 баллды түздү.
Ош облусунун Ноокат районунун Кызыл-Булак айылында 4 балл, Чоң-Алай районунун Дароот-Коргон айылында 3,5 баллга чейин сезилди.
Сейсмологдор силкинүүнүн очогу кыргыз-өзбек чек арасында болгонун, күчү 5 баллды түзгөнүн белгилешүүдө.
Баштапкы маалыматтар боюнча, жер титирөөдөн жабыркагандар жана кыйроолор катталган жок.(ZKo)
