Жогорку Кеңештин 4-ноябрдагы жыйынында "Республика-Ата-Журт" фракциясынын мүчөсү, депутат Талант Мамытов төрага болуп шайланды. Анын талапкерлигин 100 депутат колдоп, бир депутат каршы добуш берди. Добуш берүү бюллетень салуу жолу аркылуу өттү.
Борбордук шайлоо комиссиясынын мүчөлүгүнө Акылбек Сариевдин талапкерлиги жактырылды. Сариев 2010-2011-жылдары Боршайкомдун төрагасы, 2002-2008-жылдары мүчөсү болгон. Буга чейин парламент БШКнын оппозициялык квотадан мүчөсү Атыр Абдрахматованын ыйгарым укуктарын өзү жазган арызына ылайык токтоткон.
Депутат Талант Мамытов: - Бир адам айтканы менен экинчи колдобошу мүмкүн. Ачык-айкын добуш берүүдө. Ар бир депутат өз эрки менен добуш берүүдө. Өткөндөн сабак алыш керек. Бардык толкундоолор шайлоонун айынан болду. Парламенттин колдоосу менен укуктук талаага келдик.