Бул тууралуу Каракол шаарынын активисти Замира Оторбаева билдирди. Анын айтымында, өкмөттүн Ысык-Көлдөгү өкүлчүлүгүнүн маңдайында азыр (5-октябрь, түнкү саат 21:30дар чамасында) эл чогулуп жатат. Алар шайлоонун жыйынтыгына макул болбогонун билдиришкен.
Ошондой эле облустагы айрым айылдардын тургундары да Бишкектеги митингге катышуу үчүн чыкканы белгилүү болду.
Буга чейин күндүз да Каракол шаарында шайлоонун жыйынтыгына каршы чыккандар чакан акция өткөрүшкөн эле.
4-октябрда өткөн парламенттик шайлоодо Ысык-Көл облусунун 51,8% өз добушун берген. (KS)
