Кадамжай районундагы Айдаркен шаарчасында үйдөн өрт чыгып, 77 жаштагы киши набыт болгон. Денесинин 80% күйгөн маркумдун сөөгүн өрт өчүрүүчүлөр милицияга өткөрүп беришкен.
Өзгөчө кырдаалдар министрлигинин маалыматына караганда, акыркы суткада өлкө аймагында өрт чыккан учур көп катталды. Негизинен сарайга жыйылган кургак чөп күйгөн.
Алардын ичинен эң ириси - Өзгөндөгү Салам-Алик айылында эки кабаттуу сарай өрттөнүп, андагы 500 түк, 20 тонна чөп күйгөн. Өрт сарайдын жанындагы үйгө да өтүп, анын 45 чарчы метр чатыры менен эки тонна чөп күйүп кеткен.
Өрттүн себеби аныкталууда. (ZKo)
Дагы караңыз
