Шайлоо: №2 форма добуш сатууга шарт түзөбү?

Парламенттик шайлоодо добуш берүү үчүн №2 форма менен катталган шайлоочулардын саны 445 миңге жетти. Бул жолку шайлоодо №2 форма добуш сатып алууга шарт түзөт делген талаштуу документ бойдон калууда. Адистер бул документтерди толтургандардын санынын көп болушу жалпы добуш берүүнүн жыйынтыгына чоң таасир тийгизиши жана шайлоонун легитимдүүлүгү тууралуу суроо жаратышы мүмкүн экенин айтышат.