Мурдагы президент Курманбек Бакиевдин бир тууганы Марат Бакиевдин кызы Сымбат Маратбектин “Бир бол” партиясынын катарында алдыдагы шайлоо өнөктүгүнө аралаша баштаганы коомчулукта сынга кабылды. Укук коргоочу Эржан Сулайман эч ким ата-эненин же туугандардын жоругу үчүн жооп бербеши керектигин айтат. Ал азыркы саясатчыларга бул окуя сабак болуп, урпактардын жашоосуна кедерги тийгизбеш үчүн акыйкат иштеши зарылдыгын белгилейт.