Буденновск: Туткундардын эскерүүсү

Орусиянын Буденновск шаарындагы терактка 25 жыл болду. 1995-жылы 14-июнда Ставрополь крайындагы шаарга талаа командири Шамил Басаев баштаган 200дөй согушкер кирип барган. Алар бир жарым миңдей кишини жергиликтүү ооруканада 5 күн бою туткунда кармап, Чеченстандагы согушту токтотууну талап кылышкан. Бул кандуу окуяда расмий маалымат боюнча, 129 кишинин өмүрү кыйылган, 300дөн ашуун адам жарадар болгон. Тергөө азыр да уланып жатат. Айрымдар бул окуяны Орусиянын бүгүнкү тарыхындагы биринчи террордук чабуул деп атап жүрүшөт.