Президент келерде жол жамалып, терек буталды

Соңку бир ай ичинде президент Сооронбай Жээнбеков Бишкек шаарынын жана Чүй облусунун аймагына үч иш сапар менен барды. Өлкө башчы келерин алдын-ала билген жергиликтүү бийлик өкүлдөрү кызуу даярдык көрүштү. Жээнбеков өтө турган жолдор жамалып, жада калса тал-теректер да буталган. Жергиликтүү тургундар президент элдин чыныгы жашоосун көрбөй кеткенин айтып жатышат.