Уздардын сейрек ыкмасын колдонгон Сезим
21 жаштагы Сезим Мейизбекова бир жыл мурун Кыргыз мамлекеттик курулуш, транспорт жана архитектура университетин аяктаган. Ал ушу тапта үйүндө кийизге ийне менен жүн түшүрүү менен алек. Кийизге сүрөт тартуунун мындай ыкмасын саналуу гана уздар колдонот. Бала чагынан сүрөтчү болууну кыялданган Сезим жакындарынын анча жактырбаган көз карашына карабай, кыялын ишке ашырган.