Оштун чиркөөсүндөгү Рождество майрамы
7-январда дүйнө православдары Иса пайгамбардын туулган күнүн (Рождество) майрамдашууда. Кыргызстандык православдарды бул күнү президент Сооронбай Жээнбеков куттуктады. Ал эми Бишкек, Ош, Каракол баштаган шаарларда, айылдарда христиандар чиркөөлөргө, сыйынуу үйлөрүнө барып, өздөрүнүн диний жөрөлгөлөрүн жасап жатышат. Ош шаарындагы Архангел Михаил православ чиркөөсүндө өтүп жаткан мындай майрамдык маанайга аймактагы кабарчыбыз Дастан Үмөтбай уулу да күбө болду.