Билим берүү олуттуу реформага муктаж

Кыргызстанда билим берүү cистемасын реформалоо күн тартибинде турат. Нарындагы контейнер мектеп, окуу китептериндеги каталар, билим берүү системасындагы коррупция боюнча айыптоолор күчөп турган маалда билим берүү министри алмашып, өкмөт олуттуу өзгөрүүлөрдү убада кылды. Билим берүү тармагын өзгөртүү үчүн кадрларды алмаштыруудан майнап чыгабы жана жаңы министрди алдында кандай сыноолор турат? Студиянын коноктору билим берүү академиясынын президенти Алмаз Токтомаметов, Борбор Азиядагы регионалдык институттун директору Алмаз Бейшеналиев, “Роза Отунбаеванын демилгелери" фондунун төрайымы Догдургүл Кендирбаева, Ала Тоо университетинин доценти Нурлан Исмаилова, жогорку билим берүүнү башкаруу боюнча илимдин доктору Чынара Рыскулова катышты.