Президент Сооронбай Жээнбеков эки күндүк иш сапары менен Нарын облусуна барат. Бул тууралуу мамлекет башчысынын басма сөз катчысы Толгонай Стамалиева билдирди.
21-22-августта Нарындагы сапарынын алкагында президент калкты таза суу менен камсыз кылуу, ирригация системаларын калыбына келтирүү долбоорлорун ишке ашыруунун жүрүшү менен таанышат. Аймактын инфратүзүмдүк жана социалдык-экономикалык мааниси бар объектилерине барат.
Ошондой эле Жээнбеков Ак-Талаа районунун тургундары менен жолугушат.
Стамалиева белгилегендей, президент өлкөнүн аймактарына иш сапарларын улантууда.