Быйыл Айт намазы Бишкекте гана эски аянтта окулат, башка аймактарда чоң мечиттерде болот. Бирок анын себеби так айтылбай жатат.
Ушундай чечим бар экенин жергиликтүү казыяттардын өкүлдөрү билдиришти. Кыргызстан мусулмандарынын дин башкармалыгы - муфтияттын басма сөз катчысы Максат Атабаев муну тастыктады, бирок документ түрүндө буйрук жок экенин айтты.
Буга чейин Ош, Жалал-Абад жана башка шаарларда да Айт намаздары борбордук аянттарда, стадиондордо окулуп келген.
Орозо айт быйыл 5-июнда болот. Диний жөрөлгө эртең менен саат алтыда дин аалымдарынын баяны менен башталып, 7:30да намаз окулат. Бишкек шаарында бул аралыкта аянтка жакын көчөлөр убактылуу жабылат.
Быйыл орозо айы 6-майда башталган. (SE)
