Болочок дарыгерлердин жатаканасы эскирди

Жалал-Абаддагы медициналык коллеж 40 жыл мурда курулган. Учурда анын дубалынан жарака кеткен. Өзгөчө кырдаалдар министрлиги кооптуу деп эскерткенине карабай ал жерде студенттер жашап жатат. Жатакананы Саламаттык сактоо министрлигинин коомдук байкоочу кеңешинин өкүлдөрү текшерип, "санитардык абалы начар" деген бүтүмгө келген. Бирок, окуу жайдын жетекчилиги жаңы жатакана курууга каражат жок экенин айтууда.