Ботаникалык бакты тарыткан жол

27-мартта Бишкектеги ботаникалык бакты ушул калыбында сактап калууга кызыкдар шаардыктар жана активисттер шаар мэриясынын чечимине каршылык билдирип чыгышты. Бишкек мэриясы буга чейин Кара-Көл көчөсүн Ботаникалык бактын эсебинен кеңейте турганын билдирген. Эгер, жолду реконструкциялоо иши башталса, ботаникалык бактын 300гө жакын бак-дарагы кыйылышы мүмкүн. Шаар бийлиги анын ордуна башка жайларга эки эсе көп бак-дарак отургузууну убада кылып жатат.