Индияда бийлик Кашмир аймагында 14-февралдагы 44 полициянын өмүрүн алган ири терактты иликтей баштады.
Жанкечти-террорчу колго жасалган жардыргыч түзмөк коюлган автобусту күч түзүмдөрүнүн жанына келгенде жардырган.
Ондогон киши жарадар болду. Кол салуу үчүн жоопкерчиликти "Жайш-э-Мохаммад" террордук тобу өзүнө алды.
АКШнын Индиядагы элчилиги бул кол салууну айыптап, көңүл айтты. “АКШ терроризм менен күрөшүүдө Индия менен бирге болот жана аны жеңет”, - деп билдирди элчи Кэн Жустер.
