“Китеп Time”: Айтматовду сүйгөн жаштар

Бишкекте “Китеп Time” интеллектуалдык оюнунун финалы өттү. Бул иш-чара Чыңгыз Айтматовдун 90 жылдыгына арналып, китеп сүйүүчүлөргө жазуучунун “Кыямат” жана “Деңиз бойлой жорткон ала дөбөт” чыгармалары боюнча суроолор берилди. Оюнга бир жылдан бери ойноп, финалга чыккан 10 тайпа жана ар облустан келген жети тайпа катышты. Жеңүүчүлөр акчалай сыйлык жана баалуу китептерге ээ болду. Долбоордун уюштуруучулары коомго китеп окуу маданиятын жайылтууну көздөйт.