Орусияда жекшемби күнү эки аймакта жетекчи шайланды. Хабаровск крайынын башчысы болуп, шайлоонун алдын ала жыйынтыгына караганда, ЛДПР партиясынан талапкер Сергей Фургал шайланды. Ал добуштардын 70% алды. Ал эми бийликтеги “Бирдиктүү Орусия” партиясынын өкүлү, буга чейин аймактын жетекчисинин милдетин аткарып жаткан Вячеслав Шпортко шайлоочулардын добушунун 28% тийди.
Ал эми Владимир облусунда губернаторлук кызматка ат салышууда да ЛДПРдин өкүлү жеңди. Владимир Сипягинде 57%, ал эми “Бирдиктүү Орусиянын” талапкери, облустун буга чейинки башчысы Светлана Орловада 37%.
Орусияда төрт аймактын губернаторлорун шайлоонун биринчи туру 9-сентябрда өткөн. (RK)
