Өкмөттүн кадрлары көңүлгө толобу?
Кыргыз өкмөтү өзүнүн түзүмүн жана курамын өзгөртүү, оптималдаштыруу боюнча сунуштарды белгиленген мөөнөткө даярдап үлгүрбөй калды. Бул тууралуу 18-сентябрда биринчи вице-премьер-министр Кубатбек Боронов парламентте Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин жыйынында билдирди. Жыйында Өнөр жай, энергетика жана жер казынасын пайдалануу боюнча комитетинин төрагасы менен юстиция министри, өкмөттүн аппаратынын башчысы кызматына көрсөтүлгөн талапкерлер талкууланды, аларга суроолор берилди. Өкмөттүн кадрлары боюнча маселе да көтөрүлдү.