Гитаранын же башка музыкалык аспаптардын коштоосунда обон созгон көчө музыканттары - Бишкектеги жаңы көрүнүш. Таланттуу жаштар чет элдик хиттерден тарта кыргыз ырларына чейин ырдап, Бишкектин көчөлөрүн шаңга бөлөп жатат. Жандуу үн менен обон созгон көчө музыканттарын баш калаанын эл көп баскан көчөлөрүнөн, өтмөктөрдөн же соода борборлорунун жанынан жолуктурууга болот.