Кесипке маани берген медреселер
Кыргызстанда медресе бүтүрүүчүлөрүнүн квалификациясы талаштуу маселеге айланды. Медреседе үч жыл билим алган соң окуучулар дин илимдерин окугандыгы тууралуу күбөлүккө ээ болот, бирок ал күбөлүктү мамлекеттик окуу жайлар тааныбайт. Ошондуктан алардын кошумча кесипке ээ болушу зарыл экендигин бир катар диний эксперттер айтып келет. АВЕП фонду 2014-жылдан бери медреседе окуган балдар-кыздарга тигүүчүлүк, аарычылык, ширетүүчүлүк боюнча сабактарын киргизип, бул маселени чечүүгө жардам берип келет. Ал арада Дин иштери боюнча мамлекеттик комиссиясы ушул жылдын аягына чейин өкмөткө жаңы жобону даярдап, медреселерди лицензиялоону сунуштоодо.