Өткөн аптада башкы прокурор Жогорку соттун үч судьясы баш болгон бир катар адамдарга кылмыш ишин козгогону белгилүү болду. Кыргызстанда буга чейин Жогорку соттун иштеп жаткан бир нече судьясына бирдей кылмыш иши козголгон учур каттала элек болчу. Укук коргоочулар бул окуяны прецедент катары сыпаттап, ал башка сотторго сабак болот деп үмүттөнүп жатышат. Сотторго кылмыш ишинин ачылышы чын эле президенттин сот реформасын жүргүзүү убадасынын аткарылып жатканын көрсөтөбү? Талкууга Конституциялык соттун мурдагы төрагасы Клара Сооронкулова, саясат таануучу Алмаз Акматалиев жана укук таануучу Аслан Кулбаев катышты.