Түлеевдин уулунун үйү талашка түштү
Бишкек шаарынын мурдагы мэри Нариман Түлеевдин баласы Санжар Нариман уулунун атына катталган үйдү сот аткаруучулардын конфискация кылуу аракети чыр менен коштолду. Түлеевдин туугандары бул үй мураска калганын айтып, аны алууга келген Мамлекеттик мүлк фондунун кызматкерлери, сот аткаруучулар менен каяша айтышты. Тараптар бир сыйра жөөлөшө да кетишти. Натыйжада үйдү мамлекетке алуу 20-июлга чейин калтырылды.