Былтыр Орусияда эмгек акысын албай калган эки миңден ашуун мигрант Кыргызстандын мамлекеттик миграция кызматына кайрылган. Жумуш берүүчүлөр төлөбөгөн маяналардын көлөмү 100 миллион рублдан ашкан. Быйыл төрт айда миңдей адам эмгек акысын албай калганына арызданып, анын жалпы суммасы 48 миллион рублга жеткен. Орусиядагы мигранттардын көздөн учкан эмгек акысы тууралуу "Азаттыктын" “Биз жана дүйнө” берүүсүндө сөз болду.